भारताच्या(जगाच्या) कानाकोपऱ्यातून येऊन कोलंबसमधे स्थायिक झालेल्या
अनेक मराठी कुटुंबियांना त्यांचा सांस्कृतिक वारसा जपता यावा आणि त्यांचे
कलाकौशल्य, भाषा, साहित्य, सामाजिक उपक्रम, छंद, मनोरंजन या सर्वांसाठी
एक व्यासपीठ मिळावं या उद्देशांनी स्थापन झाले कोलंबस मराठी मंडळ.

मंडळाने मराठी सांस्कृतिकतेचे बीज परक्या मातीत नुसतेच रूजवले नाही तर
त्याच्या बहरलेल्या फळाफुलांचा आस्वाद पुढील असंख्य पिढ्यांपर्यंत पोचावा या
उद्देशाने मंडळ सतत कार्यरत आहे आणि कायमच राहील.